مظاهر رمضان

كل سنة و انتم طيبين بمناسبة الشهر الكريم

من اهم ما استوقفني بمناسبة رمضان
هو تعليق الزينة و الاستعداد باكبر قدر من المأكولات
و الانشغال باعلانات البرامج و المسلسلات

و لكن اغرب ما لاحظته
هو اعلانات على المنتديات لخلفيات و نغمات اسلامية
و كان هذه الاشياء صممت لرمضان فقط
اما اغرب ما لاحظته هو قيام بعض الفتيات بارتداء غطاء للرأس
في الشهر الكريم
و كأن غطاء الرأس زي الكنافة و القطايف من تقاليد رمضان

أما ما أتمناه هو ألا يلبسوا المحزق و الملزق
لان الحاجات دي أهم من تغطية الرأس و هي دي الحاجات اللي
بتهيج الشباب المحروم

ملحوظة: باحس ان البنات بتلبس ضيق مخصوص علشان يضيعوا صيامنا
و لا علشان عندهن ايام اجازة فما بتبقاش فارقة
حقيقي مش عارف!!!!!!

============

مش عارف هل اتسامح و أرد عليه برسالة أم أستمر في تنشيف الدماغ؟؟؟؟؟

يا رب اهدني للصواب

ماذا سيحدث بعد وفاتي؟

تخيلت اني قد فارقت الحياة و تخيلت ماذا سيدور بين المحيطين
بي في الكلية
في البداية سيكتب خبر الوفاة في المنتدى الخاص بالكلية وحيث انه
لا احد يشاهده فلن يعلم احد بالخبر
الى ان يصل الخبر الى احد الزملاء و حيث ان وفاتي تمت في فترة كانت
فودافون عاملة عرض رسائل مجانية
لذلك انتشر الخبر بين حاملي فودافون فقط و لم يعرف به اصحاب الشبكات الاخرى
ينتشر الخبر بعد ان يوارى جسدي الثرى و تنتهى مراسم العزاء
فيجتمع الزملاء ويدور بينهم الحوار التالي
زميل 1: الله يرحمه كان حبيبي بس كان طول عمره بيعمل الموبايل صامت
و كتير كان بينفض لي
زميل 2: الله يرحمه هو كان كويس بس ساعات كان بيرخم عليا و ساعات كان
بيحدف كلام زي الدبش
زميل 3: الله يرحمه كان طيب بس كان ساعات بيتنّك علينا
زميل 4:الله يرحمه انا كنت باقوله على واحد زميلنا انه كويس
بس انت اللي مبوظه
زميل 5: يبكي بحرقة في ركن لوحده و بينتحب (حلوة بينتحب دي) و ما حدش
عارف ليه

ملحوظة 1:انا ما كنتش اعرف ان في حد بيكرهني
فلو في حد بيكرهني ممكن يبعت لي ايميل و انا هاكتبه في الطبعة التانية
ملحوظة 2:معظم الكلام اللي فات ده كان نقد بيوجه الي و انا عايش


اما الجنس الناعم في الكلية(ناعم كده و كده) فلم يكن لي اي علاقة به
و لكن تخيلت ان يدور الحوار التالي
زميلة 1:انا ما اعرفوش بس كل اللي اعرفه انه كان بيقعد على الرُِخامة
و كان تخين شوية
زميلة 2:جاتنا نيلة على خبيتنا فقدنا عريس محتمل
زميلة 3: تنتحب بس غالبا مش عليا