عقليات

العقلية الاولى

الشارع ما كانش فيه اسفلت
و كانت البلعات بتضرب و ما فيش حد اتدخل
قرروا رصف الشارع و مازالت البلعات بتضرب
حطوا الاسفلت
ضربت البلعات
بدات الناس تستخدم عقولها
كسروا الاسفلت و دوروا على المواسير


العقلية الثانية

واقفين في الممر
شخص يتحدث: الراجل اللي دخل علينا رئيس القسم
ارد: لا مش رئيس القسم
نفس الشخص: لا هو رئيس القسم
ارد: انت شفت رئيس القسم قبل كده
نفس الشخص: لا
ارد: طيب عرفت منين
نفس الشخص: اصل هو شكله يدي على رئيس قسم

احنا فين من ده كله

ومن المقرر أن يقوم رواد الفضاء على متن المكوك بأربعة جولات للمشي في الفضاء خلال الرحلة التي ستستغرق 15 يوما.

وأطلق على الرحلة اسم "تحسينات كبيرة في البيت"، حيث سيقوم طاقم المكوك بتركيب أجهزة جديدة بما فيها جناح جديد للطاقم بحمام إضافي ومطبخ.

وتخطط وكالة الفضاء الأمريكية "ناسا" لمضاعفة عدد الرواد في محطة الفضاء من ثلاثة إلى ستة في موعد لا يتعدى أيار/مايو المقبل.

وستشمل المعدات الجديدة جهاز إعادة تنقية المياه والذي يقوم بتقطير وتكثيف وتعقيم مياه المجاري بما فيها البول لتصبح صالحة للشرب ثانية.

ووضعت المعدات داخل صناديق بحجم الثلاجات والتي تحتاج على الأرض إلى شاحنة لتحريكها، أما في الفضاء فبإمكان رائد واحد تحريكها بأقل جهد.

وكان من المقرر أن ترسل ناسا مهمة إلى تلسكوب هبل الفضائي في الشهر الماضي، إلا أنها أجلت ذلك حتى أيار/مايو من العام المقبل حتى تتمكن من إجراء إصلاحات جديدة على المرصد.

ومن المقرر أن تطلق ناسا عشر رحلات أخرى قبل أن يتم إحالة أسطول المكوكات الفضائية إلى التقاعد عام
2010.

الخبر ده منقول من بي بي سي

و من كام يوم الهند طلعت مسبار فضائي

بس الناس اللي عايزين يطلعوا الفضاء ويعملوا صرف صحي مش واجب يراعوا
مشاعر الناس االبسيطة

بداية تغير في حياتي

ربما اضطر الى التعامل ببرجماتية

وذلك لما اراه من تجاهل من اناس كنت احاول الا اتاخر في تنفيذ اي
من طلباتهم
بالعكس ربما كنت اضغط على نفسي و اقوم بافعال غير مقتنع بها
من اجل الا اخالف وعدا وعدتهم به


اما وقد وجدتهم يتقربون الي في حال كربهم
وفي احتياجهم
وعندما تنتهي حاجتهم يفرون

وتتكرر هذه الدائرة مرات عديدة
ولكني كنت كل مرة اتحامل على نفسي
وذلك لاني اعتدت على الا ارد مكروب بقدر ما استطيع

وكنت كلما تحدئت الى هؤلاء الاشخاص
كانوا يرددون عن عمق العلاقة وان هذا طبيعي
ولكن لاني رايت منهم ما يوحي بان هذا اسلوبهم في الحياة
فهم يتقربون الى من يحتاجون اليه

و حيث اننا في بداية مرحلة جديدة
فقد قررت بيني و بين نفسي ان انعزل عن الناس قدر المستطاع
و على كل من كان يلجأ الي
ان يحاول الاعتماد على نفسه حيث اننا
على نفس الخط

و لكني احيانا اضعف وهذا ما اتمنى من الله الا يحدث

يا رب اخس

من اول امبارح و انا باروح صالة الجيم
اصل انا نفسي اخس لعدة اسباب منها

اولا :علشان صحتي خاصة لان الاسرة عندها تاريخ مرضي للسكر
ثانيا :علشان الاقي اللبس اللي انا عايزه بدل ما اروح اشتري لبس و ما الاقيش مقاسي
وبالتالي بتفرض على استايل واحد من اللبس -الكلاسيك
ثالثا:علشان شكلي يبقى صغير علشان فاي ناس كتير بيعتقدوا اني كبير و لما اسال عن سبب هذا الاعتقاد
يقولوا اصل الحجم الكبير بيدي سن كبير

فيا رب يسرلي و اخس

لم اجد سوى هذا الدعاء

لم اجد سوى هذا الدعاء


اللهم إليك أشكو ضعف قوتي ،وقلة حيلتي ،وهواني على الناس ،يا أرحم الراحمين ،أنت رب المستضعفين ،وأنت ربي ،إلى من تكلني ؟ إلى بعيد يتجهمني ؟أم إلى عدو ملكته أمري ؟ إن لم يكن بك علي غضب فلا أبالي ،ولكن عافيتك هي أوسع لي ،أعوذ بنور وجهك الذي أشرقت له الظلمات ،وصلح عليه أمر الدنيا والاخرة من أن تنزل بي غضبك ،أويحل علي سخطك ،لك العتبى حتى ترضى ،ولا حول ولا قوة إلا بالله

لما الواحد يبقى عامل حسابه انه يجيب 87
ويجيب 77
يبقى ليه حق يزعل و لا لا
في ناس بتقول اتظلمت ولما تسالهم اتظلمتوا في كام في المية يقولوا 2 او 3 في المية
طيب اللي طار منه 10 في المية يقول ايه
اللي راح منه حلم بضياع ترتيب يقول ايه
ياريت المسالة كوسة وبس
ده الكوسة طلعت غلبانة
المسالة طلع فيها حظ
انت حظك حلو تكسب
حظك وحش حاول مرة اخرى
و من اسباب فقع مرارتي
ان من الناس اللي ربنا كرمها و ماكانوش كده في السنين اللي فاتت
يقولك اصل احنا شدينا حيلنا و اجتهدنا
طيب ربنا يوفقكم

حكمة الليلة الكبيرة اللي انا فيها
لو كان نيلك يا مصر صلصة
مش هيكفي الكوسة اللي فيك


ملاحظة: المراد بالكوسة هنا الواسطة و الحظ

ميرو

اي تشابه بين الاسماء الواردة في القصة و الحقيقة هو من محض الصدفة

بدا (ميرو) يوم الاثنين حزينا و ذلك بعد المشادة الكلامية التي دارت بينه و بين والده (ابو جديد) بسبب رغبة (ميرو) في الارتباط من جارته متوسطة الحال و رغبة والده في الارتباط ببنت التاجر الكبير و التي كان (ميرو) وافق عليها لان والده كان قد افصح للتاجر برغبته في ان يخطب ابنته ل(ميرو) ثم رفض الارتباط بها و ذلك رغبة في الوفاء لبنت الجيران الذين كانوا يساعدون (ميرو) اثناء سفريات والده للتجارة

كان (ميرو) متوترا جدا وذلك بسبب ان والده هدده بالامتناع عن الانفاق عليه ان اصر على الارتباط ببنت الجيران ولكن (ميرو) كان مصرا على الارتباط بها و التي كان والده يحذره من صعوبة العيش معها و يعدد له مزايا الارتباط ببنت التاجر و الفوائد التي سيحصل عيها اذا تزوج ابنته ومنها دخوله عالم التجارة بسهولة بسبب ما يتمتع به والدها من نفوذ

و لكن (ميرو) كان لا يعطي والده الاهتمام وذلك لحبه الشديد لجارته و الذي كان يخفيه عنها طوال الوقت لعدم احساسه باهتمام منها به و لكنه عندما صارحها بحبه وجدها تبادله نفس الشعور

و مما كان يزيد من شعور (ميرو) بالالم هو انضمام اخيه الاكبر في صف والده و اصراره على الزواج من بنت التاجر رغم عدم انتفاع الاخ الاكبر من هذه الزيجة- كان اخوه الاكبر يفعل ذلك رغبة في التقرب من ابيه-بينما كانت والدة(ميرو) محتارة في امرها و لكنها كانت تؤمن في قرارة نفسها بانها لن تتركه بعد تهديد والده بالتخلي عنه

دام هذا الوضع لمدة تربو على الاربع الاشهر قبل ان يتشاجر (ميرو) مع والده و يترك له المنزل ورغم نصيحة بعض اصدقائه له بان يسمح لاحد من اعمامه بالتدخل لاصلاح ذات البين الا انه كان يكرر دائما بانه لن يتزوج الا من جارته مهما كلفه ذلك

الى ان جاء ذلك اليوم الذي اعلن فيه(ميرو) للمقربين منه انه قد خطب بنت التاجر -كان ذلك بعد المشاجرة الاخيرة بحوالي 20 يوما-
دون ان يبدي اسباب تغير موقفه

فهل من السهل على الانسان ان يغير من يحب في غضون 20 يوم؟
و هل ان كان قد ارغم على ما فعل هل تستمر هذه العلاقة؟
الله اعلم

المصريين اهمه

الخبر بيقول تم العثور على جثة مهندس مصري في باكستان بعد انفجار فندق ماريوت
لازم في كل حادثة يطلع واحد مصري
تسونامي كان فيه مصريين
حوادث اختطاف في العراق كان فيها مصريين
في كل مكان
المصريين اهمه

يا ترى ايه اللي بيحصل

لما روتانا سينما تجيب فاصل فيه صورة مصحف و تكتب
رمضان كريم

لما بريل بتعلن انه من اول رمضان انه ادى 80ألف شخص
و الاعلان بيتذاع من اول رمضان-تقريبا كانوا شغلين من قبل رمضان

لما يكون السيراميك بيتصنع في مصر والعمال اللي بيتعبوا مصريين
وييجي واحد حليوة تركي يعمل الاعلان

اللجوء الى الله

ليه الواحد لما بيتزنق بيقرب من ربنا و لما تكون العملية ماشية يبعد
الناس ايام الامتحانات بتحافظ على الصلاة
كنت اعرف ناس لما لم ترزق بالذرية بعد الزواج
بداوا بالزهد في الحياة
في ناس منهم على سبيل المثال ربوا ذقونهم
و الحريم اتنقبت
انا مش ضد كده
بس احنا ما بنعرفش ربنا الا لما نتزنق
زي ما بنعرفش المذاكرة الا لما الامتحانات تيجي
يا هاااااااااادي الحال يا رب

الله يمسيك بالخير يا زيدان

اهئ اهئ اهئ

البقاء لله

عن حسن شحاته

الحمد لله
فزنا على منتخب الكونغو العريق
و فلبنا بقدرة الله المباراة من هزيمة الى فوز
بس ليه كده
ليه منتخب زي الكونغو وعلى ارضنا يعمل فينا كده
ليه كده
انا النهارده افتكرت كلمة قالها المرحم صالح الوحش
كان زي اليومين دول من اربع سنين
كنا بنلعب مع كوت ديفوار وخسرنا في الاسكندرية
يومها قال ده فصل من الفصول البايخة
و الحمد لله ان ده ما حصلش النهارده
وربنا ستر
المهم من تصاريف القدر اني كنت بتفرج على المباراة على قناة مودرن
وكان بيعلق الكابتن اللطيف صاحب الصورة

المهم ان في نفس مباراة كوت ديفوار السابق ذكرها
كان الكابتن اللطيف ده بيعلق برضه
بصراحة انا خفت على المباراة تضيع زي ما الاولانية ضاعت
بس ربنا ستر

Nice joke

MENtal illness, MENstrual cramps, MENtal breakdown, MENopause

Ever notice how all of women's problems start with MEN?

ان يوم اليتيم ليوم عظيم

يوم اليتيم
يوم تشنيع
يوم تجريس
يعني ايه نجيب الايتام و نجمعهم
ونحتفل بيهم في يوم واحد بس
و بعد كده
ولا كانهم موجودين
احنا الاحتفال بيوم اليتيم زي الاحتفال بيوم الشجرة
و المصيبة ان اللي بيحتفلوا بيه بيقعدوا يقولوا ايات و احاديث
وهم فاهمينها غلط
على اسا ان الايات والاحاديث بتعتبر ان كفالة اليتيم ده شئ اساسي
مش شئ تكميلي
احنا اساسا فينا مشكلة
احنا بنقلد الغرب في كل حاجة
وبعدين نقول احنا عندنا الحاجات دي في الاسلام
طيب الغرب دول ناس فاضين
ناس بتاكل وبتشرب-وبتاكلنا و تشربنا-
و لما حد يتعب بيلاقي اللي يعالجه
يعني ناس ما وراهمش حاجة غير يعملوا لكل مشكلة يوم
و احنا زي الهبل نقلد
هم يعملوا يوم المراة
احنا نعمل عيد الام
وهكذا ......................

منوعات

اشمعنى السجاير

الخبز فيه ازمة

الفول زاد سعره و في جمعية بعنوان الا الفول

العدس غلي

وما ترتب على ذلك من زيادة اسعار الفول و الطعمية و الكشري

اللحمة بتزيد بس دي مش مشكلة على اساس ان مش كتير بيشتريها

الفراخ اسعارها طارت

كل نار نار

الا السجاير

اشمعنى دي اللي سعرها مازادش

هو مافيش زيادة في اسعارها عالميا

اشمعنى العالم بيزود سعر القمح و ما بيزودش سعر التبغ

بس الحمد لله

احنا في مصر عندنا مصنع سجاير

يعني اللي مش هيقدر يجيب المستزرد

هيجيب المحلي

و اهو كله دخان

========

ضد التقبيل

ليه احنا العرب

الرجالة بتبوس الرجالة

و الحريم بتبوس الحريم

على حد علمي

ان في اوروبا و الدول المتقدمة

القبلات بين نفس الجنس يكون في شك شذوذ جنسي

انا مش بادعوا الى القبلات بين الرجالة و الستات-لاسمح الله-

ان كل اللي انا عايزه ان كمية القبلات بين نفس الجنس تخف شوية

يعني مش لازم الواحد اللي بيقابل صاحب كل يوم

يبوسه

دا البوس بينقل امراض

دماغه مسافرة

واحد بيفتي في اللي ليه فيه و اللي فيه

بعد الفتوى الغبية باباحة التدخين للصائم

اجتهد و طلع الفتوى اللي في الخبر ده

قال يعني المجتمع ناقص بوس

ما الناس كلها هارية بعضها بوس

احنا ولله الحمد بنبوس من لقمة العيش للفلوس لحد بوس الايادي

بس انا مستغرب من حكاية ان الانسان ليه غريزة

طب بدل ما يبوس يشتغل بايده في اي حته ظلمة

وهو كله غريزة

ولا الغريزة في البوس بس؟؟؟؟!!!!

الاهلي فوق الجميع

غزة

صورة تخيلية لغزة بعد انقطاع التيار الكهربائي

نتيجة قطع امدادات الوقود

القادمة من اسرائيل

فاقد الشئ

فاقد الشئ لا يعطيه وكمان بيتكلم عليه

طيب لا يعطيه ماشي بيتكلم عليه ازاي؟

الكلام ده ممكن الواحد يلاحظوا لو اتفرج على اللي حصل في كينيا

بعد مالانتخابات خلصت

المعارضة بتفول دي اتزورت

والحكومة بتقول دي ديموقراطية

اما المراقبين بيقولو اتزورت

وكل شوية الحكومة تقول الانتخابات دي ديموقراطية

عمركم سمعتم ان الدول الغربية بتجيب سيرة الديموقراطية

حاجة تانية

كان في دكتور في الكلية

كل شوية يقول ما فيش كوسة

القسم بتاعنا مافيهوش كوسة

انا صدقت الراجل

طلع بعد كده هو الراجل اللي ليه كوسة بيدخلوا

ولا مؤاخذة

ولا مؤاخذة

يعتي لما كات الحجاج الفلسطنين محشورين في العريش كنا بنقول ربنا يهون عليهم

و الجزيرة كل شوية تذيع ان فلان بيناشد الرئيس مبارك

و علان زعلان من مصر

ولما نفتح معبر رفح و نوديهم

ولا كان حاجة حصلت

و الانكى من كده

الحجاج الفلسطينين بعد ماراحوا غزة

قال ايه

احنا ماتفاوضناش مع حد

واحد تاني بيقول احنا لولا الحج مكناش عايزين نشوف واحد عربي

و فلعوص تالت بيقول

انهم هددوا العساكر المصريين انهم هيولعوا في العبارة

لو ما نزلوش

ناقص واحد يقول بعد كده ان مصر خافت منهم

علشان كده نزلتهم

وعدين وديتهم استاد العريش

وبعدين رجعتهم غزة

بس نقول ايه

شريط اليسا

العقل زينة

يعنى هي علشان خدت الميوزك اورد

بطرق الله اعلم بيها

تقعد تدوشنا و تحط اللوجو بتاع الجايزة على الغلاف

ماعلينا

اهو الواحد سمع الشريط الجديد وكان لي الملاحظات التالية

الصور الكتيرة اللي في الغلاف بتاع الالبوم و كانها خايفه حد يكون نسيها

انا حاسس اني سمعت الالبوم ده قبل كده باستثناء اغنيتين

ايحاءات جنسية داخل الاغاني زي:

انا كنت باخد بعضي و اروحله من سكات

ولحد لما الليل يليل ببقى جنبه وافضل في عزالبرد وياه بالساعات

كمان في شرشحة زي:

خد بالك عليا دي مش معاملة تعاملني بيها

من كتر حبي ليك انا قربت اكرهك

بصفة عامة و من وجهة نظري البسيطة

هي ما جابتش جديد

او

تمخض الجمل فانجب فارا

سنة جديدة

سنة جديدة علينا وعليكم

سنة جديدة ما يكونش فيها

اي قلق لاي واحد

كل في مجاله

سنة جديدة مايكونش في مصر

كوسة

اكتر حاجة مضايقاني

الكوسة

بس اللي اننفس اعرفه من زمان

اشمعنى الكوسة

يمكن علشان سهلة الهضم

ولا علشان بستخدم في التسليك

الله اعلم

عاوزين سنة جديدة

يفوز فيها المنتخب الوطني بكاس افريقيا

او حتى ناخد التاني

بس ما ناخدش على قفانا

عايزين سنة جديدة

اللي نفسه في حاجة

ياخدها

اللي نفسه يتجوز يتجوز

اللي نفسه ينجح ينجح

و بالنسبة لجمهور الزمالك

هو نفسه الزمالك يبقى في المركز التاني

ربنا معاهم

اما انا فنفسي ربنا يسترها معايا

كل سنة وانتم طيبين